Ulaanbaatar
Аймгийн оны тэргүүний хүмүүсийн шагналыг маргааш гардуулна
ОРОН НУТГИЙН МЭДЭЭ | УВС
Увс /МОНЦАМЭ/. Аймгийн Засаг даргын зөвлөл өнөөдөр хуралдаж, 2018 оны тэргүүний хүмүүсийг шалгарууллаа.
“Оны тэргүүний төрийн захиргааны албан хаагч”-аар аймгийн ЗДТГ-ын гадаад харилцаа, хамтын ажиллагаа хариуцсан мэргэжилтэн О.Саруул, “Оны тэргүүний төрийн тусгай албан хаагч”-аар ШШГА-ны ерөнхий жижүүр, ахмад Б.Мөнхтулга шалгарлаа. Тэрчлэн “Оны тэргүүний боловсролын салбарын ажилтан”-аар Ерөнхий боловсролын 1-р цогцолбор сургуулийн химийн багш П.Амгалан, Ерөнхий боловсролын 3-р сургуулийн математик, физикийн багш Л.Гантулга, Улаангом сумын 3-р цэцэрлэгийн дуу хөгжмийн багш Ц.Мөнгөн-Өлзий нар, “Оны тэргүүний эрүүл мэндийн салбарын ажилтан”-аар Баруунтуруун сумын СДЭ-ийн дарга, их эмч Г.Анхбаяр, Нэгдсэн эмнэлгийн ЭЭМТасгийн унтуулгын сувилагч Ц.Отгончулуун, Зүүнхангай сумын ЭМТ-ийн жолооч М.Цэнд-Аюуш нар шалгарсан байна. Түүнчлэн “Оны тэргүүний соёлын ажилтан”-аар Ховд сумын соёлын төвийн бүжгийн багш К.Ганзориг, “Оны тэргүүний байгаль орчны салбарын ажилтан”-аар Увс нуурын ай савын УТХГН-ийн Хамгаалалтын Захиргааны ахлах мэргэжилтэн Р.Жамсран, “Оны тэргүүний хүнс, хөдөө аж ахуйн салбарын ажилтан”-Хяргас сумын Хангай багийн “Баян ичээт” МЭҮТН-ийн захирал, малын эмч Ц.Пүрэвсүрэн, “Оны тэргүүний сурагч”-аар Ерөнхий боловсролын 2-р цогцолбор сургуулийн 12-р ангийн сурагч Б.Энхзул, “Оны шилдэг тамирчин”-аар Ерөнхий боловсролын 3-р цогцолбор сургуулийн 11Б ангийн сурагч Б.Мөнх-Эрдэнэ нар тус тус шалгарсан байна.
Мөн оны тэргүүний 24
хүнийг салбар бүрээс тодруулсан бөгөөд маргааш шагналыг нь гардуулна.
