Ulaanbaatar
Өвлийн спортын тамирчдад олимпын тэтгэлэг олгов
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Олон улсын олимпын хороо /ОУОХ/ болон Монголын үндэсний олимпын хороо /МҮОХ/-ноос хамтран хэрэгжүүлж буй “Бээжин-2022” өвлийн олимпын наадмын эрх авах өндөр магадлалтай тамирчдыг дэмжин өнөөдөр тэтгэлэг олгов.
Тус хөтөлбөр буюу “Athletes
scholarship”-т гүйлтийн цанын Б.Ачбадрах, Д.Мөнхгэрэл, А.Энхтуул,
гүйлтийн тэшүүрийн А.Зул нар хамрагдлаа. МҮОХ-ны Ерөнхийлөгч, “Бээжин-2008”
олимпын аварга Н.Түвшинбаяр тэдэнд тэтгэлгийг олгож, спортын их амжилт
хүсэв.
ОУОХ, МҮОХ, Спорт холбоод
болон тамирчинтай байгуулсан энэхүү дөрвөн талт хамтарсан гэрээний дагуу дээрх тамирчдад “Бээжин-2022”
өвлийн ХХII олимпын наадам хүртэл 4 сар тутамд 3000 ам.долларын мөнгөн
тэтгэлэг олгох юм.
Ташрамд сонирхуулахад, Монголын
цана, биатлон, тэшүүр, шорт трекийн тамирчид “Инсбрук-1964” өвлийн олимпын
наадмаас эхлэн, нийт 14 удаа цагаан олимпод оролцсон түүхтэй билээ.
