Аймгийн Засаг дарга долоо хоног бүрийн бямба гарагт иргэдтэй уулзана
ОРОН НУТГИЙН МЭДЭЭ | УВС
Увс /МОНЦАМЭ/. Аймгийн Засаг дарга Ч.Чимэд 2021 оны анхны захирамжаараа 7 хоног бүрийн бямба гарагт иргэдийг хүлээн авч уулзаж байх шийдвэр гаргалаа.
Тодруулбал, төрийн
үйл ажиллагаанд иргэдийн санал санаачилгыг хүлээн авах, тусгах, нээлттэй
засаглалд иргэдийн оролцоог нэмэгдүүлэхэд онцгойлон анхаарахын
тулд энэхүү захирамжийг гаргажээ. Иргэд 7 хоног бүрийн бямба гарагийн 13:00-16:00
цагийн хооронд аймгийн Засаг даргатай уулзаж, цаг үеийн аливаа
асуудлаар харилцан ярилцах боломжтой юм.