Ulaanbaatar
Монголын жүдочдыг цуврал тэмцээн хүлээж байна
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Олон улсын жүдо бөхийн холбоо /IJF/-ны Ташкентын Их дуулгад Монголын шигшээ баг 2 алт, 2 мөнгө, нэг хүрэл медальтай тус тэмцээнд оролцсон 71 орноос 2 дугаар байрт шалгарсан амжилт үзүүлсэн.
Харин Монголын шигшээ багийг дахин гурван тэмцээн хүлээж байгаа бөгөөд энэ сарын 26-28-нд Гүржийн Тбилисийн Их дуулгад оролцох юм. Манай шигшээ баг өмнөх бүрэлдэхүүнээрээ тэмцээний өмнөх бэлтгэлээ тус улсад базааж байна.
Улмаар 4 дүгээр сарын 1-3-нд
Турк улсад Анталия Их дуулгад оролцох бол үргэлжлүүлээд 5-9-нд Киргиз улсын
Бишкек хотноо Ази тивийн аварга шалгаруулах тэмцээнд оролцоод эх орондоо ирэх
юм байна.
Монголын шигшээ баг Токиогийн
олимпын наадамд бүтэн багаараа оролцохоор зорилт тавиад байгаа. Энэ оны 6 дугаар
сард болох жүдо бөхийн дэлхийн аварга шалгаруулах тэмцээний дараа олимпын эрх авсан
тамирчдын нэрс албан ёсоор тодорхой болох аж.
