Ulaanbaatar
Төмөр зам доогуур 4 байршилд авто замын нүхэн гарц барина
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. НЗДТГ-ын даргын албан үүргийг түр орлон гүйцэтгэгч И.Баатархүү “Улаанбаатар хотын 4 байршилд төмөр зам доогуур авто замын нүхэн гарц шинээр барих төсөл”-ийн ажлын зураг төсөл боловсруулах, барилга угсралтыг гүйцэтгэх түлхүүр гардуулах нөхцөлтэй гэрээнд гарын үсэг зурлаа.
Төсөл нь БНХАУ-ын Засгийн газрын хөнгөлөлттэй зээлээр “Хөгжлийн хөтөч-дэд бүтэц” төслийн хүрээнд хэрэгжих юм. Нүхэн гарцуудыг дараах 4 байршилд хэрэгжүүлнэ. Үүнд:
-Сонгинохайрхан дүүрэг, Таван шарын төмөр замын гармын
баруун талын нүхэн гарц.
-Сонгинохайрхан дүүрэг, Геологийн төв лабораторийн уулзвар.
-Баянгол дүүрэг, Хермес төвийн урд, төмөр замын зоорины урд
нүхэн гарц.
-Нарны зам болон Их хүрээний гудамжны уулзварын нүхэн гарц.
Уг төсөл нь Улаанбаатар хотод тулгамдаад буй авто замын
түгжрэлийг шийдэх хүрээнд төлөвлөсөн цогц үйл ажиллагааны нэг хэсэг
юм.
Связанные новости
