Ulaanbaatar
Хошёорюү С.Бямбасүрэн 9 даваатай башёг тэргүүлсээр байна
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Мэргэжлийн сумо бөхийн 11 дүгээр сарын тэмцээн Фүкүока хотод 10 дахь өдрөө үргэлжилж Сэкиваке Хошёорюү С.Бямбасүрэн, Озэки Шодай-тай учраа таарч түүнийг ёритаоши мэхээр хаяж 9 даваа нэг унаатай энэ башёг Охо /М-13/-гийн хамт тэргүүлсээр байна.
Комүсүби Тамаваши
Б.Мөнх-Оргил, Вакамотохару /М-4/-г ошидаши мэхээр давж 3 даваа, 7 унаатай башёг үргэлжүүлж байгаа бол
Комүсүби Кирибаяама Б.Лхагвасүрэн, Озэки Такакэйшёо-той таарч барилдан, түүнд ошидаши
мэхээр унаж 6 даваа, 4 унаатай болсон бол Такакэйшёо 7 даваатай болов.
Энэ өдөр Ичиножёо А.Ичинноров /М-2/, Нишикифүжи /М-5/-тай барилдаж, түүнд ошидаши мэхээр унаж 2 даваа, 8 унаатай байгаа бол Чиёошома Г.Мөнхсайхан /М-10/, Такарафүжи /М-8/-тэй таарч барилдан, түүнийг шитатэдашинаге мэхээр давснаар 6 унаа, 4 даваатай башег үргэлжлүүлж байна.
Мөн Азүмарюү С.Тодбилэг /М-14/, Котоеко /М-12/-тэй хүч үзэж, түүнийг ошидаши мэхээр давснаар 6 даваа, 4 унаатай болов.
Такаяасү /М-1/, Комүсүби
Тобизарюү-г хатакикоми мэхээр давснаар 8 даваа, 2 унаатай башёг үргэлжлүүлж
байна.
