Пара жүдочид ААШТ-ээс хошой аваргатай
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Пара жүдо бөхийн Азийн аварга шалгаруулах тэмцээн Казахстаны Астана хотод боллоо.
Манай улсаас
Монголын пара жүдогийн үндэсний шигшээ багийн дасгалжуулагч, хөдөлмөрийн
баатар, гавьяат тамирчин Х.Цагаанбаатар, ОУХМ Б.Нарантуяа нарын удирдлага дор 5
тамирчин эх орноо төлөөлөн оролцож, хошой аваргатай болжээ.
Эрэгтэйчүүдийн
“J1” ангиллын 90 кг-ын жинд Д.Ганбат, эмэгтэйчүүдийн “J1” ангиллын -70 кг-д
өнгөрсөн жилийн ДАШТ-ий мөнгөн медальт Л.Туруунаа нар алтан медаль хүртлээ.
Астанагийн
татамид Энэтхэг, Иран, Япон, Казахстан, Кыргызстан, БНСУ, Монгол, Тайланд,
Тайвань, Узбекистан, Индонези гэсэн 11 орны жүдочид өрсөлдсөн байна.