Ulaanbaatar
ХОВД: Ойрын өдрүүдэд цаг агаар тогтуун байна
ОРОН НУТГИЙН МЭДЭЭ | ХОВД
Жаргалант, 2025 оны есдүгээр сарын 23 /МОНЦАМЭ/. Ховд аймгийн Ус, цаг уур, орчны шинжилгээний төвөөс ирэх сарын 1-ний өдөр хүртэлх цаг агаарын урьдчилсан төлөв мэдээллийг танилцууллаа.
Ихэнх хугацаанд цаг агаар тогтуун, өдөртөө дулаан байна.
Цаг агаарын урьдчилсан мэдээнээс үзэхэд энэ сарын 24, 25-нд зарим газраар бага зэргийн хур тунадас орно.
Салхи энэ сарын 24-нд зарим газраар секундэд 6-11 метр, алтайн салбар уулсаар секундэд 14-16 метр хүрч ширүүснэ. Бусад хугацаанд ихэнх нутгаар салхи секундэд 4-9 метр тогтуун байх төлөвтэй.
Харин агаарын температурын хувьд уулархаг нутгаар шөнөдөө -1 градус хүйтнээс +4 градус дулаан, өдөртөө +10+15 градус, бусад нутгаар шөнөдөө +4+9 градус, өдөртөө +16+21 градус дулаан байна.
