Ulaanbaatar
ДОРНОД: Олон улсын мэргэжлийн дуулаачдын уралдааны цомыг Б.Батжаргал хүртэв
ОРОН НУТГИЙН МЭДЭЭ | ДОРНОД
Чойбалсан, 2025 оны арваннэгдүгээр сарын 20 /МОНЦАМЭ/. Хөгжмийн нэрт зохиолч, найрал дууны удирдаач Гончигдамбын Дарамзагдын мэндэлсний 95 жилийн ойд зориулсан олон улсын мэргэжлийн дуулаачдын тавдугаар уралдаан нийслэл хотноо болж өндөрлөлөө.
Уралдааны шилдгийн шилдэг цомыг ДБЭТ-ын дуучин Б.Батжаргал хүртсэн байна. Харин тэргүүн байрт ДБЭТ-ын дуучин Б.Энхнаран, дэд байрт чөлөөт уран бүтээлч Б.Жавхлантөгс, гуравдугаар байрт Дорнод аймгийн ХДТ-ын дуучин Л.Түвшинсайхан, чөлөөт уран бүтээлч Х.Мягмарсүрэн, тусгай байрт Улаанбаатар театрын дуучин О.Оюунцэцэг, Дорнод аймгийн ХДТ-ын дуучин С.Ангараг нар шалгарчээ.
Уралдаанд Дуурь бүжгийн эрдмийн театр, Цэргийн дуу бүжгийн чуулга, СУИС, Монгол Улсын Консерватори, Сити их сургууль зэрэг мэргэжлийн байгууллагуудын дуучид, ОХУ-ын Буриад улс, БНХАУ-ын ӨМӨЗО-ы дөчөөд дуучин оролцсон юм.
“Өргөн Сэлэнгэ”, “Чи минь
битгий мартаарай”, “Орчлонд бид азтай төржээ”, “Миний эх орны өглөө”, “Хулан
хонгор” зэрэг дууных нь нэрийг хэлэхэд л ая нь сэтгэлд буудаг олон сайхан уран
бүтээлүүдийг Г.Дарамзагд агсан туурвиж байжээ.
