Ulaanbaatar
Мессигийн баг MLS-ийн финалд шалгарлаа
ДЭЛХИЙН МЭДЭЭ | СПОРТ
ВАШИНГТОН, 2025 оны
арваннэгдүгээр сарын 30. /ТАСС/. Хойд Америкийн хөл бөмбөгийн тэргүүн лигийн
/MLS/ аварга шалгаруулах тэмцээний хагас шигшээ тоглолтод “Интер Майами” баг өөрийн
талбайд “Нью-Йорк Сити” багийг 5:1 харьцаагаар бутниргэлээ.
Гоолуудыг ялсан багаас Тадео
Алленде (14, 23, 89 дахь минут), Матео Сильветти (67), Теласко Сеговия (83) нар оруулсан бол
нью-йоркчуудын цорын ганц гоолыг Жастин Хак 37 дахь минутанд хийсэн байна.
Т.Алленде хет-трик хийснээр 8
гоолтой болж, мэргэн буучдын жагсаалтыг тэргүүлж байна. Хоёрдугаарт,
түүний багийн анд Лионел Месси 6 гоолтойгоор бичигдэж байгаа бөгөөд тэрбээр “Нью-Йорк
Сити”-тэй хийсэн тоглолтод нэг оновчтой дамжуулалт өгчээ. Ингэснээр плей-оффын
шатанд нийт 7 гоолын дамжуулалт хийж, эл үзүүлэлтээр тэргүүлж байна. Мөн хөлбөмбөгчний
замналдаа 405 дахь удаагаа оновчтой дамжуулалт хийснээр Унгарын алдарт хөлбөмбөгчин
Ференц Пушкашийг гүйцэж түрүүлж, дээд амжилт тогтоолоо.
Одоо финалд Мессигийн баг хагас шигшээд
"Сан-Диего" багийг 3:1-ээр хожсон “Ванкувер”-тай тоглоно. Финалын
тоглолт 12 дугаар сарын 6-ны өдөр “Интер Майами”-гийн цэнгэлдэх хүрээлэнд
болно.
2020 оноос MLS лигт тоглож буй
“Интер Майами” баг ийнхүү түүхэндээ анх удаа финалд шалгарч байна.
