Ulaanbaatar
“Дюссельдорф Их дуулга-2018” тэмцээнээс 4 дэх хүрэл медалийг Г.Алтанбагана хүртлээ
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Германы Дюссельдорф хотноо өнгөрсөн амралтын өдрүүдэд болсон жүдо бөхийн Их дуулга тэмцээний сүүлийн өдөр 90 кг-д Г.Алтанбагана хүрэл медаль хүртжээ.
Тэрбээр хүрэл медалийн төлөөх барилдаанд Таджикстаны тамирчин И.Комроншохыг базари, юко үнэлгээгээр ялсан байна. Энэхүү 100 мянган ам.долларын шагналын сантай “Дюссельдорф Их дуулга-2018” тэмцээнд 71 орны 500 гаруй жүдоч хүч үзсэн юм.
Манай улсаас нийт 19 бөх хүч, ур чадвараа сорьсон бөгөөд эмэгтэй жүдочдоос 57 кг-д Л.Энхрийлэн, 63 кг-д Б.Ганхайч, эрэгтэйчүүдээс 66 кг-д Б.Эрхэмбаяр, 90 кг-д Г.Алтанбагана нар тус тус хүрэл медалийн эзэд боллоо.
Ийнхүү манай залуу жүдочид “Дюссельдорф Гранд слам-2018” тэмцээнээс 4 хүрэл медаль хүртэж, шагналт V байрт 4 тамирчин, шагналт VII байрт хоёр жүдоч шалгарсан амжилтаар 71 орноос 16 дугаар байр эзэлсэн байна.
Тэрбээр хүрэл медалийн төлөөх барилдаанд Таджикстаны тамирчин И.Комроншохыг базари, юко үнэлгээгээр ялсан байна. Энэхүү 100 мянган ам.долларын шагналын сантай “Дюссельдорф Их дуулга-2018” тэмцээнд 71 орны 500 гаруй жүдоч хүч үзсэн юм.
Манай улсаас нийт 19 бөх хүч, ур чадвараа сорьсон бөгөөд эмэгтэй жүдочдоос 57 кг-д Л.Энхрийлэн, 63 кг-д Б.Ганхайч, эрэгтэйчүүдээс 66 кг-д Б.Эрхэмбаяр, 90 кг-д Г.Алтанбагана нар тус тус хүрэл медалийн эзэд боллоо.
Ийнхүү манай залуу жүдочид “Дюссельдорф Гранд слам-2018” тэмцээнээс 4 хүрэл медаль хүртэж, шагналт V байрт 4 тамирчин, шагналт VII байрт хоёр жүдоч шалгарсан амжилтаар 71 орноос 16 дугаар байр эзэлсэн байна.
Д.Өлзий
