Ulaanbaatar
Зөрчил гаргасан 952 иргэнд торгууль ногдуулжээ
ОРОН НУТГИЙН МЭДЭЭ | ДУНДГОВЬ
Дундговь /МОНЦАМЭ/. “Сар шинэ-2019”
нэгдсэн арга хэмжээний хүрээнд давхардсан тоогоор цагдаагийн газрын 303 алба
хаагч батлагдсан эргүүлийн 6 чиглэлд эргүүл хяналт шалгалт хийж, 1895
иргэн, 254 байгууллагын харуул манааг
шалгаж, зөрчилтэй байсан 952 иргэнд
25.761.500 төгрөг, 1 байгууллагад 200.000 мянган төгрөгийн торгууль тус тус
оногдуулжээ.
Дундговь аймгийн цагдаагийн газрын даргын тушаалаар бие
бүрэлдэхүүнийг 2019 оны 02 дугаар сарын 04-ны өдрөөс 11-ний хүртэл цагаан сарын
өдрүүдэд өндөржүүлсэн бэлэн байдлын хоёрдугаар зэрэгт шилжин ажилласан байна.
Тус баярын
өдрүүдэд Цагдаагийн газарт иргэд, аж ахуйн нэгжээс нийт 23 гомдол мэдээлэл
ирснээс 7 нь гэмт хэргийн шинжтэй, 5 нь зөрчлийн шинжтэй дуудлага байжээ.
Цагдаагийн
газраас арга хэмжээ эхэлснээс хойш 61
хэргийг нөхөн илрүүлж, сэжигтэн, яллагдагч, шүүгдэгч, сэрдэгдсэн этгээд нийт 25
эрэн сурвалжлах ажиллагааг зохион байгуулан олж тогтоосон байна.
