Ulaanbaatar
Томуу, томуу төст өвчнөөс сэргийлж гэрийн үзлэгийг нэмэгдүүлэв
МОНГОЛЫН МЭДЭЭ | ЭРҮҮЛ МЭНД
Улаанбаатар /МОНЦАМЭ/. Нийслэлийн Жаргалант тосгоны Эрүүл мэндийн төвөөс 5 хүртэлх насны хүүхдийн амбулаторийн үзлэгийг багасгаж, гэрийн эргэлт үзлэгийг нэмэгдүүлж ажиллахаар болжээ.
Учир нь жил бүрийн 10 дугаар сараас эхлэн 5 дугаар сарыг хүртэлх хугацаанд томуу, томуу төст өвчний дэгдэлт ихэсдэг.
Дээрх арга хэмжээг авснаар, 2018-2019
онд томуу, томуу төст өвчин болон амьсгалын замын цочмог халдвар буурсан
үзүүлэлт гарсан байна. Тиймээс энэ сарын 20-ноос эхлэн 5 хүртэлх насны хүүхдийг гэрээр нь эргэж үзлэг хийх графикийг нэмэгдүүлэн ажиллаж байгаа аж.
