Ulaanbaatar
Маргааш бүх нийтээр мод тарина
МОНГОЛЫН МЭДЭЭ | НИЙГЭМ
Монгол Улсын Ерөнхийлөгчийн зарлигаар жил бүрийн тав, аравдугаар сарын хоёр дахь долоо хоногийн бямба гаригийг “Бүх нийтээр мод тарих үндэсний өдөр” хэмээн зарласан билээ.
Маргааш буюу энэ сарын 14-нд мод тарих өдөр тохиож байгаа юм. Ерөнхийлөгч зарлиг гаргахдаа энэ өдөр айл өрх, албан байгууллага, хамт олон бүх нийтээр мод, бут, сөөг, цэцэг тарьж, арчлан хамгаалж, түүнийгээ амьдралын хэв маяг болгон хэвшүүлэн сурталчилж ажиллахыг уриалсан юм. Ерөнхийлөгч Ц.Элбэгдорж нөгөөдөр буюу энэ сарын 15-нд Дархан хотод ажиллах үеэрээ мод тарихаар төлөвлөсөн байна. Харин Ерөнхий сайд Ч.Сайханбилэг маргааш Ботаникийн цэцэрлэгт хүрээлэнд мод тарих аж.
Ч.Ариунболд
