Ulaanbaatar
"Нэг хаалга-Нэг шинжилгээ"-гээр халдварын 37 тохиолдол бүртгэгджээ
МОНГОЛЫН МЭДЭЭ | ЭРҮҮЛ МЭНД
Улаанбаатар /МОНЦАМЭ/. Энэ сарын 11-нээс хойш хийсэн "Нэг хаалга-Нэг шинжилгээ" ажлын хүрээнд нийт 37 “COVID-19” халдварын батлагдсан тохиолдлыг илрүүлжээ.
Энэ тухай ХӨСҮТ-ийн Тандалт судалгааны албаны дарга А.Амбасэлмаа мэдээлэхдээ, “Нэг хаалга-Нэг шинжилгээ”-ний дүнд өчигдөр 10 хүнээс коронавирус илэрсэн. Шинжилгээний явцад 19 тохиолдлыг илрүүлэн хавьтлуудыг нь тусгаарлан шинжлэхэд 18 тохиолдол илэрсэн. Ингэснээр халдварын нийт 37 тохиолдол бүртгэгдээд байна” гэв.
Эдгээр тохиолдол нь:
БГД-ийн 3, 12, 25 дугаар хороо
БЗД-ийн 26 дугаар хороо
СБД-ийн 18 дугаар хороо
СХД-ийн 6, 7, 18, 31, 39 дүгээр хороо
ХУД-ийн 2, 4 дүгээр хороо
ЧД-ийн 2, 6, 12 дугаар хороонд тус тус бүртгэгджээ.
