Ulaanbaatar
Эмч, эрүүл мэндийн салбарын ажилтнуудад хүнсний тусламж үзүүлэв
МОНГОЛЫН МЭДЭЭ | ЭРҮҮЛ МЭНД
Улаанбаатар /МОНЦАМЭ/. Нийслэлийн 28 эрүүл мэндийн байгууллагын, коронавируст халдвар авсан, олон хүүхэдтэй, дэмжлэг шаардлагатай 232 эмч, ажилтанд өнөөдөр хүнсний дэмжлэг болон ариун цэврийн багцыг байгууллагаар нь дамжуулан олголоо.
Дэмжлэг үзүүлэх хүсэлтийг НЗДТГ-аас МУЗН-т хүргүүлж, улмаар НҮБ-ын Хүүхдийн сангаас туслахаар шийдвэрлэсэн юм.
Эмч, эрүүл мэндийн салбарын ажилтнууд ажил үүргээ гүйцэтгэх явцдаа халдвар авч байгаа. Иймээс энэхүү дэмжлэгийг Нийслэлийн Засаг даргын зөвлөх Б.Мягмар, МУЗН-ийн Ерөнхий нарийн бичгийн даргын орлогч Т.Баярчимэг нар гардуулсан юм.
