Ulaanbaatar
Одоогоор 12-15 насны 56 мянга гаруй хүүхэд вакцин хийлгээд байна
МОНГОЛЫН МЭДЭЭ | ЭРҮҮЛ МЭНД
Улаанбаатар /МОНЦАМЭ/. Улсын хэмжээнд “Ковид-19”-ийн эсрэг вакцинаар нийт 16 441 иргэнийг өчигдөр дархлаажуулжээ. Үүнээс нийслэлд 7529 хүн, орон нутагт 8912 хүн вакцинд хамрагдсан байна.
Вакцинжуулалт эхэлснээс хойш нийслэлийн иргэдийн 1 015
089 нь эхний тунг, 882 214 нь хоёрдугаар тунг тариулаад байна. Орон нутагт
вакцины нэгдүгээр тунг 1 023 039 хүн, хоёрдугаар тунг 1 750 266 хүн тариулаад
байна.
Харин улсын хэмжээнд вакцины нэгдүгээр тунгаар нийт 2 038 128 хүн, хоёрдугаар тунгаар 1 750 266 хүн буюу нийт хүн амын 53.8 хувийг дархлаажуулаад байгаа юм.
Өнөөдрийн байдлаар жирэмсэн эмэгтэй 2269, хөхүүл 1846, 12-15 насны 56 628 хүүхэд, 16-17 насны 42 531 хүүхэд вакцины нэгдүгээр тунд хамрагдаад байна. Одоогоор эмнэлэгт 800 гаруй жирэмсэн эмэгтэй, 2900 гаруй хүүхэд хэвтэн эмчлүүлж байгаа аж.
Вакцин хийлгэхийн өмнө анхаарах зүйлс:
• “Ковид-19”-ийн вакцины талаар тодорхой мэдээлэлтэй байх
• Дулаан хувцаслах
• Сүүлийн 1 сарын хугацаанд ямар нэгэн вакцин хийлгээгүй байх
• Вакцинжуулалтын цэгт очиж вакцинаа хийлгэх
• Эмчийн үзлэгт орох
• Вакцин хийлгэсний дараа 30 минут ажиглалтад байх
• Халдвар хамгааллын дэглэмийг сахих (амны хаалт зүүх, гараа халдваргүйжүүлэх, хүн хоорондын зай барих)
Вакцин хийлгэсний дараа юу анхаарах вэ?
• Вакцин тарьсан хэсгийг хөндөхгүй, хүрэхгүй байх
• Даарахгүй байх, хоёр хоног ус хүргэхгүй байх
• Вакцин хийлгэхийн өмнө ба дараа согтууруулах ундаа хэрэглэхгүй байх
• Халдвар хамгааллын дэглэмийг сахих (амны хаалт зүүх, гараа халдваргүйжүүлэх, хүн хоорондын зай барих)
• Халуурах, ханиах зэрэг шинж тэмдэг илэрвэл 119 дугаарт хандах
• Боолт хийх, эм, тос түрхэх, хөхний сүү, гялгар уут, бусад зүйлээр жин тавихгүй байх
• Давтан тунгаа товлолт хугацаандаа хийлгэх
