Ulaanbaatar
Цаг агаарын аюултай үзэгдлээс сэрэмжлүүлэв
МОНГОЛЫН МЭДЭЭ | БАЙГАЛЬ ОРЧИН
Улаанбаатар /МОНЦАМЭ/. Өнөө шөнө Дорнодын өмнөд, Сүхбаатарын нутгаар цасан шуурга шуурна.
Маргааш өдөртөө Төв аймаг, Хэнтийн өмнөд хэсэг, Өмнөговь, Дундговь, Дорноговь, Сүхбаатар, Дорнодын нутгаар хүчтэй салхи, шороон шуургатай байхыг малчид, иргэд, тээвэрчдэд Цаг уур, орчны шинжилгээний газраас онцгойлон анхаарууллаа.
Энэ сарын 5-9-нийг хүртэлх цаг агаарын урьдчилсан төлөв танилцуулж байна. Энэ сарын 5-нд Монгол-Алтай, Хөвсгөлийн уулархаг нутаг, 6-нд Хэнтийн уулархаг нутгаар, 8-нд Алтай, Хангай, Хөвсгөлийн уулархаг нутгаар цас орно.
Салхи 5-нд нутгийн зүүн хагаст секундэд 15-17 метр хүрч
ширүүсэж, шороон шуурга шуурна. Ихэнх нутгаар өдөртөө дулаарч Увс нуур болон
Дархадын хотгор, Завхан, Идэр, Тэс голын хөндийгөөр шөнөдөө 23-28 градус,
өдөртөө 10-15 градус, Их нууруудын хотгор болон Алтай, Хангай, Хөвсгөл, Хэнтийн
уулархаг нутаг, Хүрэнбэлчир орчим, Эг, Үүр, Туул, Тэрэлж голын хөндийгөөр
шөнөдөө 15-20 градус, өдөртөө 0-5 градус хүйтэн, Алтайн өвөр говиор шөнөдөө 2
градус хүйтнээс 3 градус дулаан, өдөртөө 13-18 градус, цас багатай газар болон
говийн бүс нутгийн зүүн хэсгээр шөнөдөө 2-7 градус хүйтэн, өдөртөө 9-14 градус
дулаан, бусад нутгаар шөнөдөө 7-12 градус, өдөртөө 4-9 градус дулаан байна.
