Ulaanbaatar
Хөдөлмөр эрхлэлтийг дэмжих төслийг хүлээн авч эхэллээ
ОРОН НУТГИЙН МЭДЭЭ | ДАРХАН-УУЛ
Дархан-Уул /МОНЦАМЭ/. Хөдөлмөр эрхлэлтийн үндэсний
зөвлөлийн 2022 оны 01 дүгээр тогтоолоор батлагдсан 2022-2023 онд хэрэгжих төсөл
хөтөлбөрүүдийн талаар өнөөдөр аймгийн ХХҮГ-ийн дарга С.Энхболд, Хөдөлмөр эрхлэлтийг
дэмжих хэлтсийн дарга Б.Сэрүүнтунгалаг, Төсөл хөтөлбөр хариуцсан мэргэжилтэн Р.Амаржаргал нар
хэвлэлийн хурал хийж мэдээлэл өглөө.
2022-2023 онд 7 чиглэлийн хөтөлбөрийг
хэрэгжүүлнэ. Үүнд:
1. Сургалтын хөтөлбөр
2. Аж ахуй эрхлэгчдийг дэмжих
хөтөлбөр /10 хүртэл сая төгрөгийг 36 сарын хугацаатай олгоно. /100 хувь эргэн төлөх нөхцөлтэй/
3. Залуучуудын хөдөлмөр эрхлэлтийг
дэмжих хөтөлбөр /10 сая төгрөгийг эргэн төлөх нөхцөлгүй санхүүгийн дэмжлэг
олгоно/
4. Хөгжлийн бэрхшээлтэй иргэдийн
хөдөлмөр эрхлэлтийг дэмжих хөтөлбөр /5-10 хүртэл сая төгрөгийг 50 хувийн эргэн
төлөгдөх нөхцөлтэй 36 сарын хугацаатай олгоно/
5. Ахмадын хөдөлмөр эрхлэлтийг дэмжих
хөтөлбөр /5 хүртэл сая төгрөгийг 24 сарын дотор 100 хувь эргэн төлнө/
6. Эмэгтэйчүүдийн хөдөлмөр эрхлэлтийг
дэмжих хөтөлбөр /Хүүхэд харах үйлчилгээний төв байгуулах иргэн, ААН-д 10
хүртэл сая төгрөгийн эргэн төлөгдөх нөхцөлтэй 36 хүртэл сарын хугацаатай нэг
удаа олгоно/
7. Ногоон ажлын байрыг дэмжих
хөтөлбөрийг тус тус хэрэгжүүлнэ. /Нийтийг хамарсан ажил зохион байгуулах.
Өдөрт 8 цагаас хэтрэхгүй ажиллана. Зардал 40 мянган төгрөг/
Төслийг 2022.03.10-ны өдрөөс
2022.04.10-ны өдрийг хүртэлх хугацаанд харьяа сум, багийн хөдөлмөр эрхлэлт,
халамжийн асуудал хариуцсан мэргэжилтнүүдээр дамжуулан хүлээн авна. Дэлгэрэнгүй мэдээллийг: 7037-0122,
9407-2500, 9907-2757, 9908-1020 дугаарын утсаар авах боломжтой ажээ.
