Ulaanbaatar
Өвсний үндэс хөтөлбөрийн хүрээнд 6 төсөл хэрэгжүүлнэ
МОНГОЛЫН МЭДЭЭ | ЭДИЙН ЗАСАГ
“Өвсний үндэс–Хүний аюулгүй байдлыг хангах буцалтгүй тусламж хөтөлбөр”-ийн хүрээнд 500 төсөл хэрэгжээд байна.
Энэ сарын 16-нд дээрх хөтөлбөрийн хүрээнд Япон улсаас Монгол Улсад суугаа Онц бөгөөд Бүрэн эрхт Элчин сайд Такэнори Шимизү 6 төслийн гэрээнд гарын үсэг зурах юм байна. Дээрх 6 төслийн нэг нь “Улаанбаатар хотын Баянзүрх дүүргийн 53-р сургуулийн их засварын төсөл” юм. Баянзүрх дүүргийн 53-р сургууль нь 2000 гаруй сурагчтай бөгөөд барилгыг 1973 онд барьсан ч өнөөг хүртэл их засвар хийгээгүй аж. “Өвсний үндэс – Хүний аюулгүй байдлыг хангах буцалтгүй тусламжийн хөтөлбөр”-өөр уг хичээлийн байрны гадна болон дотор засвар, цахилгаан ба халаалтын шугамыг засварласнаар сурагчдын эрүүл, аюулгүй орчинд суралцах боломжийг бүрдүүлнэ хэмээн албаныхан хэллээ.
Б.Заяа
