Төрийн далбааг иргэн, хуулийн этгээдэд хүндэтгэлтэйгээр гардуулдаг болно

b.tuul@montsame.gov.mn

2024-06-02 15:46:16

Улаанбаатар, 2024 оны зургаадугаар сарын сарын 2 /МОНЦАМЭ/. УИХ-ын чуулганы тавдугаар сарын 31-ний өдрийн хуралдаанаар Төрийн бэлгэ тэмдгийн тухай хуульд нэмэлт оруулах тухай хуулийн төслийн эцсийн хэлэлцүүлгийг хийв.

Хуулийн төсөлд төрийн далбааг байнга мандуулах газар, байршлыг Монгол Улсын Ерөнхийлөгч тогтоож болохоор, Монгол Улсын Ерөнхийлөгч, Улсын Их Хурлын дарга, Ерөнхий сайд улс орноо сурталчлах, эх оронч үзлийг төлөвшүүлэх зорилгоор төрийн далбааг иргэн, хуулийн этгээдэд хүндэтгэлтэйгээр гардуулан өгөх эрх зүйн зохицуулалтыг тусгасан юм. Хуулийн төсөл батлагдсанаар монголын ард түмний түүхэн уламжлал, хүсэл тэмүүлэл, эв нэгдэл, шударга ёс, цог хийморийн илэрхийлэл болсон төрийн бэлгэ тэмдэг төрийн далбаандаа хүндэтгэлтэй хандах, үндэсний эв нэгдлийг бэхжүүлэх, улс орноо сурталчлах, эх оронч үзлийг төлөвшүүлэхэд эерэг нөлөө үзүүлэх юм.

Хуулийн төслийг Засгийн газарт хүргүүлж санал авч, төсөлд тусгасан байна. Мөн уг төслийг Ерөнхийлөгчийн Тамгын газрын цахим хуудсанд байршуулж, олон нийтийн саналыг авчээ. Байнгын хорооны танилцуулгатай холбогдуулж асуулт асууж, үг хэлэх гишүүн байсангүй.

Иймдд хуулийн төслийг эцэслэн батлах бэлтгэл хангуулахаар холбогдох байнгын хороонд шилжүүлэв.

Төрийн далбааг иргэн, хуулийн этгээдэд хүндэтгэлтэйгээр гардуулдаг болно

相关新闻

“Монгол Улсын хөгжлийн 2026 оны төлөвлөгөө батлах тухай” тогтоолыг батлав

Хил орчмын аялал жуулчлалын салбарт БНХАУ-ын ШУӨЗО-ы талтай идэвхтэй хамтарна

Ахмад настан сувилуулахад Нийгмийн халамжийн сангаас олгох эрхийн бичгийн жишиг үнийг тогтоов

"Цагаан алт" үндэсний хөдөлгөөний хүрээнд Итали улстай хамтарна

Ахмад настнууд сонгосон сувилилдаа хөнгөлөлттэй амрах боломж бүрдэв

Хөдөлмөр эрхлэлтийг дэмжих сангаас санхүүгийн дэмжлэг үзүүлэх журамд нэмэлт, өөрчлөлт орууллаа

Ерөнхий сайдад итгэл хүлээлгэх тухай тогтоолын төслийг УИХ-д өргөн барина

Монгол, Туркийн худалдаа, эдийн засгийн хамтын ажиллагааг шинэ шатанд гаргаж ажиллахаа илэрхийлэв

Их Британийн сайн туршлагыг судалж нэвтрүүлэх, харилцан суралцах талаар санал солилцов

跟著我們

访问次数