Ulaanbaatar
Эрүүл мэндийн даатгалд оны эхний 9 сард 3239.7 мянган хүн даатгуулав
МОНГОЛЫН МЭДЭЭ | ЭРҮҮЛ МЭНД
Улаанбаатар,
2024 оны аравдугаар сарын 17 /МОНЦАМЭ/. Эрүүл мэндийн даатгалын сан / ЭМДС/-гийн
орлого 2024 оны эхний 9 сард 1494.6 тэрбум төгрөг болж, 2023 оны мөн үеийнхээс 333.0
тэрбум төгрөгөөр нэмэгджээ.
Энэ сангийн
тусламж үйлчилгээний зарлага оны эхний 9 сард 1557.0 тэрбум төгрөг болж, 2023
оны мөн үеийнхээс 343.8 тэрбум төгрөгөөр нэмэгдсэн байна.
Тус сангийн
орлого нэмэгдэхэд:
- эрүүл мэндийн
даатгалын сангийн шимтгэлийн орлого 2023 оноос 122.2 тэрбум төгрөг , төр
даатгалыг хариуцах иргэдэд улсын төсвөөс төлсөн шимтгэл 111.8 тэрбум төгрөг,
- төр төлбөрийг
нь хариуцах тусламж,
- үйлчилгээний
зардлыг энэ даатгалын байгууллагаар дамжуулан санхүүжүүлэхэд улсын төсвөөс
олгох хөрөнгө 98.2 тэрбум төгрөгөөр нэмэгдэн нөлөөлжээ.
Улсын хэмжээнд
оны эхний 9 сард эрүүл мэндийн даатгалд давхардаагүй тоогоор 3239.7 мянган хүн
даатгуулсан аж.
Нийт
даатгуулагчийн хувьд:
- 2299.9 мянга нь
шимтгэлийг улсын төсвөөс хариуцсан,
- 740.9 мянга нь ажил олгогч, даатгуулагч хариуцан төлсөн,
- 198.9 мянга нь
шимтгэлийг өөрөө хариуцан төлөгсөд байна.
