Ulaanbaatar
Орхон аймагт сонгуулийн ирц 12.3 хувьтай байна
ОРОН НУТГИЙН МЭДЭЭ | ОРХОН
Орхон аймагт сонгуулийн ирц 12 цагийн байдлаар 12.3 хувьтай байна. Сонгогчдын нэрсийн жагсаалтад 67 мянга 867 иргэн бүртгэлтэй байна.
Баян-Өндөр сумын ИТХ-ын сонгууль 22 тойрогт 31 мандаттай. МАН, АН-аас тус бүр 31, МАХН-аас 11, бие даагч 6 байна. Нийт 40 хэсгийн хороо ажиллаж байна. Саналаа өгсөн иргэдийн дийлэнх нь 41 –ээс дээш насныхан байна. Явуулын саналын хайрцгаар 211 хүн саналаа өгчээ. Аймгийн Сонгуулийн хороо 9 хүний бүрэлдэхүүнтэй ажиллаж байна. Дараагийн мэдээллийг 17, 22 цагт өгнө. Цаг агаар тогтуун байна. Өчигдөр их хэмжээний цас орсон ч өдөр 13 цагийн байдлаар дулаан цас хайлж байгаа тул явган болон авто машины зорчих хэсэгт саад учраагүй байна.
Б.Оюун-Эрдэнэ
