Ulaanbaatar
ХОВД: Ойрын өдрүүдэд цаг агаар тогтуун байна
ОРОН НУТГИЙН МЭДЭЭ | ХОВД
Жаргалант, 2024 оны арваннэгдүгээр сарын 26 /МОНЦАМЭ/. Цаг агаарын урьдчилсан төлөв мэдээгээр энэ долоо хоногийн ихэнх хугацаанд Ховд аймгийн нутгаар цаг агаар тогтуун байна.
Салхи ойрын өдрүүдэд нийт нутгаар секундэд 4-9 метр байх төлөвтэй. Мөн агаарын температур нийт нутгаар шөнөдөө -14-19 градус, өдөртөө -3-8 градус хүйтэн байх юм.
Одоогийн байдлаар Алтай, Булган, Үенч сумын нутгаар битүү цасан бүрхүүлтэй, цасны зузаан Булган суманд 2 см, Алтай, Үенч суманд 6 см байна.
Бусад сумын нутгаар цасан бүрхүүл тогтоогүй байгаа гэж Ховд аймгийн Ус, цаг уур, орчны шинжилгээний төвөөс мэдээллээ.
Өнөөдөр Ховд аймгийн нутгаар цас орохгүй, цаг агаар тогтуун байна.
