Ulaanbaatar
ХОВД: Арав хоногийн цаг агаарын урьдчилсан төлөв
ОРОН НУТГИЙН МЭДЭЭ | ХОВД
Жаргалант, 2025 оны гуравдугаар сарын 10 /МОНЦАМЭ/. Ховд аймгийн Ус, цаг уур, орчны шинжилгээний төвөөс энэ сарын 19-ний өдөр хүртэлх цаг агаарын урьдчилсан төлөв мэдээллийг танилцууллаа.
Энэ сарын 12-нд алтайн өвөр говь болон уулархаг нутгаар, энэ сарын 13-нд их нууруудын хотгороор, энэ сарын 18, 19-нд зарим газраар бага зэргийн цас орно.
Салхи энэ сарын 11, 12-нд зарим газраар секундэд 6-11 метр, алтайн салбар уулсаар секундэд 13-15 метр хүрч ширүүснэ. Бусад хугацаанд салхи ихэнх нутгаар секундэд 4-9 метр байх төлөвтэй.
Агаарын температурын хувьд алтайн өвөр говь болон уулархаг нутгаар шөнөдөө -14-19 градус, өдөртөө -3 градус хүйтнээс +2 градус дулаан, бусад нутгаар шөнөдөө -20-25 градус, өдөртөө -5-10 градус хүйтэн байна гэж Ховд аймгийн Ус, цаг уур орчны шмнжилгээний төвөөс мэдээллээ.
