Ulaanbaatar
Гадаадад тэтгэлгээр суралцах боломжийн талаар залууст зөвлөгөө өгнө
МОНГОЛЫН МЭДЭЭ | НИЙГЭММонголын Залуучуудын холбооноос уламжлал болон зохион байгуулдаг “Залуу хүн” цуврал лекцийн 6 дахь удаагийн илтгэгчээр “Глобал удирдагч” дээд сургуулийн удирдах зөвлөлийн дарга Б.Отгонбат уригджээ
Б.Отгонбат нь 2005 онд Глобал удирдагч санг үүсгэн байгуулж, сангийнхаа хүрээнд 3000 орчим залуусыг АНУ-д тэтгэлэгтэй суралцуулан 5 орчим сая ам.долларын тэтгэлгийн сан бүрдүүлсэн Монголын ирээдүйд хөрөнгө оруулж яваа залуу юм. Түүний лекц МЗХ-ны Залуус танхимд энэ сарын 11-нд болно.
Тэрээр “Жинхэнэ манлайлал” гэсэн сэдвээр лекц уншиж, гадаадад тэтгэлгээр суралцах боломжуудын талаархи залуусын сонирхсон асуултад өгөх аж.
Лекц үнэ төлбөргүй бөгөөд сонирхсон хүн бүрт нээлттэй юм.
Б.Туул
