Ulaanbaatar
Хятад, Оросын цэргийнхэн Япон тэнгист сургуулилалт хийж байна
ДЭЛХИЙН МЭДЭЭ | УЛС ТӨР
БЭЭЖИН, 2025 оны наймдугаар сарын 4 /NHK/. Хятад, Оросын цэргүүд тэнгисийн цэргийн хамтарсан сургуулилалтыг Япон тэнгист эхлүүлжээ. Энэхүү алхмыг АНУ-ын эсрэг хоёр талын цэргийн хамтын ажиллагаагаа гүнзгийрүүлэх гэсэн хүчин чармайлтын нэг хэсэг гэж шинжээчид үзэж байна.
Баасан гарагт газрын
зурагт суурилсан сургуулилалтыг эхлүүлсний дараа ням гарагт тэнгисийн цэргийн сургуулилалтыг
хийж эхэлсэн гэж Хятадын төрийн хэвлэлд мэдээлжээ. Хоёр улс сүүлийн жилүүдэд ерөнхийдөө
жил тутам хамтарсан сургуулилалт хийж байгаа юм.
Сургуулилалтад
оролцож буй хөлөг онгоцуудад Хятадын пуужин устгагч онгоцууд болон Оросын
шумбагч онгоц эсэргүүцэх том хөлөг онгоцууд багтаж байна. Сургуулилалтын эхний
өдөр ОХУ-ын Алс Дорнодын Владивосток орчмын усан хилд харилцаа холбоог баталгаажуулжээ.
Мягмар гараг хүртэл үргэлжлэх цэргийн сургууль нь шумбагч онгоц эсэргүүцэх, агаарын
довтолгооноос хамгаалах дадлага сургуулилалтыг хамрах ажээ. Сургуулилалтын
дараа хоёр улс Номхон далайд тэнгисийн хамтарсан эргүүл хийнэ гэж Хятадын
хэвлэлд мэдээлсэн байна.
БНХАУ-ын дарга Ши
Жиньпин, ОХУ-ын Ерөнхийлөгч Владимир Путин нар энэ оны тавдугаар сард Москва хотноо уулзаж, хоёр улсын цэргийн хамтарсан сургуулилалтын цар хүрээг өргөжүүлэхээр тохиролцжээ.
