Ulaanbaatar
Орон сууц, нийтийн аж ахуйн байгууллагын өвлийн бэлтгэл 55.2 хувьтай байна
МОНГОЛЫН МЭДЭЭ | НИЙГЭМ
Улаанбаатар, 2025 оны наймдугаар сарын 18 /МОНЦАМЭ/. Улаанбаатар хот өвөлдөө бэлтгэж, төлөвлөсөн ажлынхаа 55.2 хувийг гүйцэтгээд байна.
Улаанбаатар
хотод орон нутгийн өмчит аж ахуйн тооцоот үйлдвэрийн газрын дөрөв, хувийн хэвшлийн
орон сууцны хоёр, ТББ-ын харьяа 47 байгууллага үйл
ажиллагаа явуулдаг. Эдгээр
байгууллага өвөлд бэлдэж 61.96 тэрбум төгрөгийн санхүүжилтээр
70499 ажил хийхээс энэ сарын 14-ний байдлаар 14.82 тэрбум
төгрөг зарцуулан 38961 ажил гүйцэтгэжээ.
Хот байгуулалт, барилга, орон сууцжуулалтын сайд Э.Бат-Амгалан наймдугаар сарын 12-нд орон сууц, нийтийн аж ахуйн салбарын өвлийн бэлтгэлийн талаар санал солилцох цахим хурлыг 87 байгууллагын дунд зохион байгуулж, өвлийн бэлтгэлийг 10 дугаар сарын 20 гэхэд бүрэн дуусгах үүрэг, даалгавар өгчээ.
