Ulaanbaatar
Чанарын менежментийн стандартыг нэвтрүүлэв
МОНГОЛЫН МЭДЭЭ | НИЙГЭМ
Улаанбаатар, 2025 оны наймдугаар сарын 29 /МОНЦАМЭ/. Нийслэлийн орон сууцны корпорац /НОСК/ нийтийн орон сууцны хөгжүүлэлт, түрээсийн орон сууцны менежмент, хотын дахин төлөвлөлт, иргэдэд орон сууцтай холбоотой үйлчилгээ үзүүлэхдээ чанарын менежментийн тогтолцооны ISO 9001:2015 стандартыг нэвтрүүллээ.
Энэ нь байгууллагын үйл ажиллагааны чанар, хэрэглэгчдэд хүргэх үйлчилгээний найдвартай байдлыг олон улсын түвшинд баталгаажуулдаг чухал үзүүлэлт юм. Хот байгуулалт, барилга орон сууцжуулалтын яам 2023 онд тус стандартыг үйлчилгээндээ нэвтрүүлэн баталгаажуулсан бол НОСК гэрчилгээгээ гардан авч байна. НОСК ирэх онд мэдээллийн аюулгүй байдлын менежментийн тогтолцооны олон улсын стандартыг нэвтрүүлэхээр зорьж байгаа аж.
