Ulaanbaatar
Монгол цэргүүд чөлөөлөх дайны ялалтын 80 жилийн ойн жагсаалд оролцоно
МОНГОЛЫН МЭДЭЭ | НИЙГЭМ
Улаанбаатар, 2025 оны наймдугаар сарын 29 /МОНЦАМЭ/. Чөлөөлөх дайны ялалтын 80 жилийн ойн баярын цэргийн ёслолын жагсаал ирэх сарын 3-нд ОХУ-ын Хабаровск хотод болно.
Энэхүү жагсаал оролцох Монгол Улсын Зэвсэгт хүчний алба хаагчид ОХУ-ыг зорих гэж байна. Дэлхийн хэд хэдэн орны Зэвсэгт хүчний хайрцаг оролцох цэргийн ёслолын энэхүү жагсаалд Монгол Улсын Зэвсэгт хүчнээс 50 гаруй цэргийн алба хаагчдын хайрцаг жагсах аж.
Монгол
цэргүүдийн ёслолын жагсаалыг Зэвсэгт хүчний 186 дугаар ангийн захирагч дэд
хурандаа С.Ариунболд
командалж, салааны захирагчаар хошууч Б.Уранбаатар, А.Цогтбилэг, тугчаар дэд
ахлагч Т.Бямбадэлгэр, тугийн хамгаалагчаар дэслэгч Т.Нямдорж, М.Гантулга нар
алхах юм байна. Парад алхах
бүрэлдэхүүн нь Монгол Улс, ОХУ-ын Зэвсэгт хүчний хамтарсан “Сэлэнгэ-2025”
хээрийн сургуульд оролцсон алба хаагчид бөгөөд Зэвсэгт хүчний найман ангийн офицер, ахлагч нар багтжээ.
