Азийн эмэгтэй парламентчид Монгол Улсад чуулж, тогтвортой ирээдүйн бодлогыг хэлэлцэнэ

b.tuul@montsame.gov.mn

2025-09-11 09:09:46

Улаанбаатар, 2025 оны есдүгээр сарын 11 /МОНЦАМЭ/. Монгол Улсын Их Хурал, ХБНГУ-ын Конрад Аденауэрын сантай хамтран зохион байгуулж буй Азийн эмэгтэй парламентчдын бүлгийн 2025 оны чуулга уулзалт энэ сарын 15-16-нд Улаанбаатар хотноо болно.

Тус чуулга уулзалт нь “Эдийн засгийн эрх мэдлийг тэлэх замаар жендэрийн тэгш байдлыг хангах нь: Тогтвортой ирээдүйн бодлого” сэдвийн хүрээнд болох юм. Чуулга уулзалтаар хөдөлмөрийн зах зээл дэх эмэгтэйчүүдийн оролцоо, төсвийн бодлого, хиймэл оюун ба дижитал санхүүгийн хүртээмж, асаргаа халамжийн хөдөлмөрийн үнэлэмж, бизнес эрхлэлт, санхүүжилтийн хүртээмж ба парламентын үүрэг, оролцоо зэрэг асуудлыг хэлэлцэнэ. Чуулга уулзалтад Ази тивийн 13 улсын хууль тогтоогчид оролцох юм.

Азийн эмэгтэй парламентчдын бүлэг нь 2011 оноос хойш жил бүр чуулж, бүс нутагт эмэгтэйчүүдийн улс төрийн манлайллыг дэмжих, чадавхыг бэхжүүлэхэд чиглэн ажиллаж ирсэн уламжлалтай. УИХ-ын гишүүн, Ардчилсан эмэгтэйчүүдийн холбооны ерөнхийлөгч Б.Жаргалан нь тус бүлгийн гишүүн бөгөөд энэ удаагийн чуулга уулзалтыг эх орондоо зохион байгуулах ажлыг санаачилсан аж.

Азийн эмэгтэй парламентчид Монгол Улсад чуулж, тогтвортой ирээдүйн бодлогыг хэлэлцэнэ

相关新闻

УИХ-ын намрын чуулган есдүгээр сарын 15-нд эхэлнэ

“Ази, Номхон далайн худалдааны интеграцийг бэхжүүлэх нь” сэдэвт бүс нутгийн сургалт болж байна

Засгийн газрын www.D-GOV.mn цахим систем өнөөдрөөс ажиллаж эхэллээ

Японы “Ёс зүйн нийгэмлэг”-ийн тэргүүн Ито Наоког хүлээн авч уулзав

Засгийн газрын гишүүдтэй хариуцлагын гэрээ байгууллаа

Төмөртэйн овооны цайрын ордтой холбоотой төрд учруулсан хохирлыг нэхэмжлэхээр болов

Дулааны үнийг нэмэгдүүлэх зохицуулалтыг 2026 он хүртэл хойшлуулсан гэв

“D-gov.mn” цахим системийг нэвтрүүллээ

ГХЯ: Балба Улсад байгаа монгол иргэд аюулгүй нөхцөлд байна

跟著我們

访问次数