ОРХОН: Донтолтоос урьдчилан сэргийлэх төв байгуулна
ФОТО МЭДЭЭ
Баян-Өндөр, 2026 оны гуравдугаар сарын 27 /МОНЦАМЭ/. Аймгийн ИТХ-ын Нийгмийн хөгжлийн хорооны ажлын баг энэ сарын 25-нд “Катарсис” зөвлөгөө заслын эмнэлгийн үйл ажиллагаатай танилцлаа.
Энэ уулзалтаар Катарсис эмнэлгийн эмч Л.Батаа эмнэлгийн үйл ажиллагаа болон цаашдын төлөвлөгөөгөө танилцуулсан бол аймгийн ИТХ-ын Нийгмийн хөгжлийн хорооны дарга Б.Мөнхзаяа болон удирдлагууд төр, хувийн хэвшил хэрхэн хамтран ажиллах талаар харилцан ярилцлаа.
Нийгмийн хөгжлийн хороо нь бүх төрлийн донтолтоос урьдчилан сэргийлэх төвийг аймагтаа байгуулахаар зорин ажиллаж байгаа бөгөөд үүний тулд салбар дундын уялдаа холбоог сайжруулах, төр хувийн хэвшлийн хамтын ажиллагааг идэвхжүүлэх зорилгоор хийж байгаа юм.
