Төв болон зүүн аймгуудын нутгийн баруун хэсгээр цас орно
МОНГОЛЫН МЭДЭЭ | БАЙГАЛЬ ОРЧИН
Улаанбаатар, 2026 оны дөрөвдүгээр сарын 4 /МОНЦАМЭ/. Манай орны Баянхонгор, Архангай, Өвөрхангай, Өмнөговь, Дундговийн нутаг, Дорноговийн өмнөд хэсгээр өнөөдөр салхи секундэд 18-20 метр, зарим үед секундэд 24 метрийг давж ширүүснэ.
Мөн төвийн аймгуудын нутаг, зүүн аймгуудын нутгийн баруун хэсгээр нойтон цас орж, цасан шуурга шуурч, говь, тал, хээрийн нутгаар хүчтэй салхи, шороон шуурга шуурахыг ЦУОШГ-аас анхааруулж байна.
Нутгийн зүүн хагаст
үүлэрхэг, бусад нутгаар солигдмол үүлтэй. Төв болон зүүн аймгуудын нутгийн
зарим газраар нойтон цас орж, цасан шуурга шуурна. Бусад нутгаар хур тунадас
орохгүй. Салхи нутгийн баруун хагаст баруун хойноос, нутгийн зүүн хагаст баруун
өмнөөс хойш эргэж секундэд 6-11 метр, төвийн аймгуудын нутгийн өмнөд болон
говийн аймгуудын нутгаар секундэд 18-20 метр хүрч ширүүсэж, шороон шуурга
шуурна.
Дархадын хотгор,
Завхан голын эх, Хүрэнбэлчир орчим, Хэнтийн уулархаг нутаг, Туул, Тэрэлж,
Хэрлэн голын хөндийгөөр -2+3 градус, Их нууруудын хотгор, говийн бүс нутгийн
баруун өмнөд хэсгээр +16+21 градус, Алтайн уулархаг нутаг, говийн бүс нутгийн
зүүн өмнөд хэсгээр +10+15 градус, бусад нутгаар +4+9 градус дулаан байна.
