Төвийн аймгуудын зарим газар, зүүн аймгуудын зүүн хэсгээр цас орно
МОНГОЛЫН МЭДЭЭ | БАЙГАЛЬ ОРЧИН
Улаанбаатар, 2026 оны дөрөвдүгээр сарын 5 /МОНЦАМЭ/. Төвийн аймгуудын зарим газар, зүүн аймгуудын зүүн хэсгээр өнөөдөр цас орж, салхи шуургатай байна.
Бусад нутгаар хур тунадас орохгүй. Ихэнх нутгаар
солигдмол үүлтэй. Салхи ихэнх нутгаар баруун хойноос секундэд 6-11 метр, говь,
тал, хээрийн нутгаар түр зуур секундэд 14-16 метр хүрч ширүүсэж, шороон шуурга
шуурна.
Хэнтийн уулархаг нутаг, Хараа, Туул, Тэрэлж голын хөндий,
Дорнод, Дарьгангын тал нутгаар -1-6 градус хүйтэн, Монгол-Алтайн уулархаг
нутаг, Их нууруудын хотгор, Алтайн өвөр говь, Эхийн голын Баянбүрд орчмоор +17+22
градус, Говь-Алтайн уулархаг нутаг, Хангайн нурууны өвөр бэл орчмоор +12+17
градус, Хангай, Хөвсгөлийн уулархаг нутаг, Завхан голын эх, Хүрэнбэлчир орчим,
Идэр, Тэр, Эг, Үүр голын хөндий, говийн бүс нутгийн баруун өмнөд
хэсгээр +6+11 градус, бусад нутгаар +0+5 градус дулаан байна.
Улаанбаатар орчмоор үүл багасна, хур тунадас орохгүй. Салхи
баруун хойноос секундэд 4-9 метр, зарим үед секундэд 12-14 метр хүрч ширүүснэ.
Өдөртөө өмнөх өдрөөс 5 градусаар сэрүүсэж -1-3 градус хүйтэн байна гэж цаг
уурын байгууллагаас анхаарууллаа.
