УВС: “Өглөөний алхалт”-д иргэд өргөнөөр хамрагдаж байна
ОРОН НУТГИЙН МЭДЭЭ | УВС
Улаангом, 2026 оны дөрөвдүгээр сарын 24 /МОНЦАМЭ/. Увс аймгийн
Биеийн тамир, спортын газраас аймгийн Эрүүл мэндийн газартай хамтран "Өглөөний
алхалт" аяныг иргэдийн дунд өрнүүлж байна.
Өглөөний алхалт орон нутгийн 05:30-07:30 цагийн хооронд үргэлжилж байгаа бөгөөд аймгийн төвийн иргэд ихэвчлэн Гашууны гол, Улаан уул, Чандмань чиглэлд 5-10 км зайд алхаж байна.
“Өглөөний алхалт” нь зөвхөн аймгийн төвөөр хязгаарлагдахгүй, хөдөөгийн 18 суманд ч өрнөж байгаа бөгөөд өглөө эртлэн алхдаг иргэдийн тоо өдөр бүр нэмэгдсээр байна. Түүнчлэн байгууллага, хамт олноороо нэгдэн оролцохоос гадна сургуулийн сурагчид ч өргөнөөр хамрагдаж, идэвхтэй хөдөлгөөнийг дэмжиж байна.
Иргэн бүр өглөөг эрч хүчтэй эхлүүлж, цэвэр
агаарт алхаж, эрүүл мэнддээ хөрөнгө оруулж, эерэг дадлыг хамтдаа бий болгохыг
аймгийн Эрүүл мэндийн газраас уриаллаа.
