Ulaanbaatar
Астанад манай 5 боксчин хүчээ сорьж байна
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Астана хотноо энэ өдрүүдэд Казахстан улсын ерөнхийлөгч Нурсултан Назарбаевын нэрэмжит сонирхогчдын боксын олон улсын тэмцээн болж байна.
Энэ тэмцээнд манай улсаас 52 кг-д А.Нурлан, 56 кг-д Б.Төмөрхуяг, 64 кг-д Г.Баярхүү, 69 кг-д О.Батзориг нарын залуу тамирчид хүч, ур чадвараа сорьж байгаа юм. Гавьяат дасгалжуулагч Д.Батсүрэн баг тамирчдаа ахлан, дасгалжуулж байна.
Тус тэмцээний 64 кг-д Г.Баярхүү хүрэл медалийн болзол хангасан бөгөөд мөнгөн медалийн төлөө өчигдөр хүч үзсэн бол 52 кг-д А.Нурлан, 56 кг-д Б.Төмөрхуяг, 69 кг-д О.Батзориг нар хүрэл медалийн төлөө тулалдсан байна.
Д.Өлзий
