Ulaanbaatar
“Ховд Мон-Алтиус” баг Үндэсний лигийн аварга болов
МОНГОЛЫН МЭДЭЭ | СПОРТ
Улаанбаатар /МОНЦАМЭ/. “Ховд Мон-Алтиус” баг сагсанбөмбөгийн Үндэсний супер лигийн аварга болсноор МҮСБХ-ны Үндэсний супер лигийн 2017 оны улирлын тоглолт өндөрлөлөө.
Энэ жилийн лигийн шигшээд буюу аваргын “Альянс Тех Харцага”, “Ховд Мон-Алтиус” багууд учраа таарсан юм. Хоёр багийн цувралын дөрөв дэх тоглолт өчигдөр болов. Цувралд 3:0-ээр “Ховд Мон-Алтиус” тэргүүлж байсан болохоор “Харцага”-ын хувьд хожигдох эрхгүй тоглолт байв. Тэд тоглолтыг сайн эхлүүлж чадсан юм.
Тус багийн Э.Дөлгөөн гайхалтай тоглосон бөгөөд эхний хагас 45:45-аар тэнцүү өндөрлөсөн. Ширүүн өрсөлдөөнтэй болсон энэ тоглолт эцсийн мөчид 93:88-аар “Ховд Мон-Алтиус” баг өрсөлдөгчөө буулган авч, цувралд 4:0-ээр илүүрхэн Үндэсний аваргаар тодорч 25 сая төгрөгийн эзэд болсон юм. Харин дэд байр эзэлсэн харцагачууд 15 сая төгрөгийн шагнал хүртлээ.
Энэ жилийн лигийн шигшээд буюу аваргын “Альянс Тех Харцага”, “Ховд Мон-Алтиус” багууд учраа таарсан юм. Хоёр багийн цувралын дөрөв дэх тоглолт өчигдөр болов. Цувралд 3:0-ээр “Ховд Мон-Алтиус” тэргүүлж байсан болохоор “Харцага”-ын хувьд хожигдох эрхгүй тоглолт байв. Тэд тоглолтыг сайн эхлүүлж чадсан юм.
Тус багийн Э.Дөлгөөн гайхалтай тоглосон бөгөөд эхний хагас 45:45-аар тэнцүү өндөрлөсөн. Ширүүн өрсөлдөөнтэй болсон энэ тоглолт эцсийн мөчид 93:88-аар “Ховд Мон-Алтиус” баг өрсөлдөгчөө буулган авч, цувралд 4:0-ээр илүүрхэн Үндэсний аваргаар тодорч 25 сая төгрөгийн эзэд болсон юм. Харин дэд байр эзэлсэн харцагачууд 15 сая төгрөгийн шагнал хүртлээ.
Д.Өлзий
