Ulaanbaatar
Монголын оюутан тамирчид оролцох “Универсиад”-ын бамбар аслаа
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Тайванийн Тайпей хотноо ирэх наймдугаар сарын 19-30-нд болох Дэлхийн оюутны спортын зуны 29 дүгээр "Универсиад" наадамд Монгол спортын есөн төрөлд баг тамирчдаа оролцуулах юм.
Энэ удаагийн наадмын галт бамбар асаах ёслол өчигдөр /06.22/ Италийн Турин хотод болов. Тус хотод 1959 онд анхны "Универсиад" наадмыг зохион байгуулсан бөгөөд галт бамбарыг уламжлал ёсоор ийнхүү Туринаас эхлүүлж байгаа юм.
"Универсиад"-ын галт бамбарыг асаах ёслолд Олон улсын оюутны спортын холбооны ерөнхийлөгч О.Матыцин, "Универсиад-2017" наадмын зохион байгуулах хорооны дарга, Тайпей хотын дарга Ко Вен Же, Турин хотын Их сургуулийн ректор Г.Ажани, Тайванийн тамирчин, олимпийн аварга Чу Му Ен нар оролцсон байна.
Энэ удаагийн наадмын галт бамбар асаах ёслол өчигдөр /06.22/ Италийн Турин хотод болов. Тус хотод 1959 онд анхны "Универсиад" наадмыг зохион байгуулсан бөгөөд галт бамбарыг уламжлал ёсоор ийнхүү Туринаас эхлүүлж байгаа юм.
"Универсиад"-ын галт бамбарыг асаах ёслолд Олон улсын оюутны спортын холбооны ерөнхийлөгч О.Матыцин, "Универсиад-2017" наадмын зохион байгуулах хорооны дарга, Тайпей хотын дарга Ко Вен Же, Турин хотын Их сургуулийн ректор Г.Ажани, Тайванийн тамирчин, олимпийн аварга Чу Му Ен нар оролцсон байна.
Д.Өлзий
