Ulaanbaatar
Дэлхийн яруу найргийн өдөрт 40 орны 200 гаруй төлөөлөгч оролцож байна
МОНГОЛЫН МЭДЭЭ | СОЁЛ УРЛАГ
Улаанбаатар /МОНЦАМЭ/. Монгол Улсад анх удаа Монголын Соёл яруу найргийн академиас зохион байгуулж байгаа “Дэлхийн яруу найргийн өдөр”-т 40 орчим орны 200 гаруй нэртэй яруу найрагч, зохиолч, нийтлэлч, орчуулагч, урлаг соёлын зүтгэлтнүүд оролцож байна. Уг яруу найргийн өдрүүд өнөөдөр эхэлж, энэ сарын 22-ныг дуустал үргэлжилнэ.
"Дэлхийн яруу найргийн өдөр"-ийн талаар Гадаад харилцааны яамны Зөвшилцөл танхимд “Чингис хаан” одонт Соёлын гавьяат зүтгэлтэн, яруу найрагч Г.Мэнд-Ооёо, Монголын урлагийн зөвлөлийн тэргүүн Н.Жанцанноров, Гадаад харилцааны яамны Гадаад сурталчилгаа, соёлын харилцааны газрын дарга Х.Мандахцэцэг, Дэлхийн урлаг соёлын академийн ерөнхийлөгч, Францын яруу найрагч Маурис Янг, Израилийн яруу найрагч Эрнэсто Кахан зэрэг төлөөлөл мэдээлэл хийсэн юм.
Яруу найргийн өдрүүдээр “Байгалийн оюун санаа ба Хүмүүний сэтгэлийн байгаль” хэмээх Дэлхийн яруу найрагчдын 37-р их хурал Төрийн ордон болох бол “Данзанравжаа” олон улсын яруу найргийн наадам Явуухулангийн цэцэрлэгт хүрээлэн болно. Мөн Дорноговь аймгийн Хамрын хийдэд “Бичиг соёлын болон гадаадын яруу найрагчдын ном бүтээл”-ийн үзэсгэлэн гаргах бол Монголын уран зургийн галерейд “Олон улсын яруу найрагчдын уншлага”-ууд тус тус зохион байгуулна.
"Дэлхийн яруу найргийн өдөр"-ийн талаар Гадаад харилцааны яамны Зөвшилцөл танхимд “Чингис хаан” одонт Соёлын гавьяат зүтгэлтэн, яруу найрагч Г.Мэнд-Ооёо, Монголын урлагийн зөвлөлийн тэргүүн Н.Жанцанноров, Гадаад харилцааны яамны Гадаад сурталчилгаа, соёлын харилцааны газрын дарга Х.Мандахцэцэг, Дэлхийн урлаг соёлын академийн ерөнхийлөгч, Францын яруу найрагч Маурис Янг, Израилийн яруу найрагч Эрнэсто Кахан зэрэг төлөөлөл мэдээлэл хийсэн юм.
Яруу найргийн өдрүүдээр “Байгалийн оюун санаа ба Хүмүүний сэтгэлийн байгаль” хэмээх Дэлхийн яруу найрагчдын 37-р их хурал Төрийн ордон болох бол “Данзанравжаа” олон улсын яруу найргийн наадам Явуухулангийн цэцэрлэгт хүрээлэн болно. Мөн Дорноговь аймгийн Хамрын хийдэд “Бичиг соёлын болон гадаадын яруу найрагчдын ном бүтээл”-ийн үзэсгэлэн гаргах бол Монголын уран зургийн галерейд “Олон улсын яруу найрагчдын уншлага”-ууд тус тус зохион байгуулна.
Гадаад харилцааны яамны Гадаад сурталчилгаа, соёлын харилцааны газрын дарга Х.Мандахцэцэг "Гадаад харилцааны яамны хувьд Монгол Улсыг гадаад сурталчлах үндэсний хөтөлбөр хэрэгжүүлдэг. Хөтөлбөрийн хүрээнд Монгол Улсын гадаадад сурталчлах томоохон төслийн нэг нь “Яруу найрагчдын их наадам” юм. Гадаад харилцааны яамны зүгээс яруу найраг, урлаг, утга зохиол зэрэг томоохон салбаруудаар дамжуулан Монголын талаарх мэдээллийг 40 улсын нэр хүндтэй 200 орчим оюунлаг хүмүүст хүргэхээр ажиллаж байна. Түүнчлэн оролцохоор ирсэн хүмүүс зөвхөн Улаанбаатарын талаар мэдээлэл авахаас гадна манай түүхт газруудын талаар мэдээллийг авах боломжтой" гэж хэллээ.
Түүнчлэн дэлхийн 40-өөд оны 200 орчим яруу найрагч, зохиолч, сэтгүүлч, хэвлэн нийтлэгчид, уран бүтээлчид уг өдөрлөгт оролцохоор ирээд байна. Тухайлбал Норвегийн яруу найрагч Кнут Өдигард, Испанийн яруу найрагч Хусто Хорхе Падрон, Тайванийн яруу найрагч Юй Си, Казакстаны яруу найрагч Улугбек Оразбайулы Есдаулет, Унгарын яруу найрагч Гиза Чөкс, ОХУ-ын Буриад улсын ардын уран зохиолч Дугаров Баяр Сономович зэрэг алдартнууд оролцох юм.
Израилийн яруу найрагч Эрнэсто Кахан "Монголын яруу найрагчдын талаар мэднэ, өмнө уншиж байсан. Би Тэмүүжингийн талаар шүлэг бичиж шагнал хүртэж байсан юм. Монголын эзэнт гүрэн бусад том эзэнт гүрнүүдтэй харьцуулахад айхтар зэрлэг балмад биш байсан. Харин ч гэрэл гэгээтэй хаантай эзэнт гүрэн байсан" хэмээн Монголын талаарх өөрийн сэтгэгдлээ хуваалцсан юм.
“Чингис хаан” одонт Соёлын гавьяат зүтгэлтэн, яруу найрагч Г.Мэнд-Ооёо "Данзанравжаа” Олон улсын яруу найргийн наадам нь цаашид Монголын байгалийн үзэсгэлэнт ба түүх соёлын дурсгалт газар жил бүр уламжлал болон зохион байгуулагдах юм. Наадмаар дамжуулж дэлхийд нэртэй сая сая уншигчидтай зохиолч, яруу найрагчдад Монголын түүх, соёл, байгаль, ард түмний тухай шүлэг зохиол бичиж, өөр өөрийн хэлээр нийтлүүлснээр олон улсад өөрийн улсыг таниулан сурталчлах өндөр ач холбогдолтой соёлын томоохон арга хэмжээ юм" хэмээн онцлов.
“Дэлхийн яруу найрагчдын 37-р их хурал”-д Дэлхийн урлаг соёлын академи, Евролын яруу найргийн академи, Олон улсын Пен байгууллага зэрэг олон улсад хүлээн зөвшөөрөгдсөн утга зохиол соёлын байгууллагуудаас оролцоно.
Түүнчлэн олон улсын үзэг нэгтнүүдтэйгээ уулзаж, гадаад харилцаагаа өргөжүүлэх, туршлага солилцох, уран бүтээлээ олон улсад гаргах, дэлхийн оюуны зах зээлд өрсөлдөх сайхан боломжийг нээж өгч байна гэж Монголын уран зохиолч, яруу найрагчид хэлэв.
Т.Есүхэйтөмөр
