Ulaanbaatar
Өндөгний хэрэгцээнийхээ 80 хувийг дотоодоос хангаж байна
МОНГОЛЫН МЭДЭЭ | ЭДИЙН ЗАСАГ
Улаанбаатар, 2025 оны наймдугаар сарын 29 /МОНЦАМЭ/. Монгол Улсын Ерөнхийлөгчийн санаачилсан “Хүнсний хувьсгал”, “Атрын IV аян”-ыг үе шаттай хэрэгжүүлснээр дотоодын аж ахуйн нэгжүүд үйлдвэрийн шинэ байр, тоног төхөөрөмж, хүчин чадлаа сайжруулж, иргэдийнхээ өндөгний хэрэгцээний 80 хувийг дотоодоосоо хангаж эхэлжээ.
Энэ нь хүнс,
хөдөө аж ахуйн салбарт сүүлийн 30 жил байгаагүй томоохон хөнгөлөлттэй зээлийн үр дүн гэдгийг Шувууны аж
ахуй эрхлэгчдийн холбооны Удирдах зөвлөлийн гишүүн Ж.Болд ХХААХҮ-ийн сайд Ж.Энхбаяртай уулзах үеэрээ тодотголоо.
Тэрбээр, “Засгийн газрын сайн
бодлогын дүнд аж ахуй нэгжүүд
зээлд хамрагдаж, үйл
ажиллагаагаа өргөжүүлсэн. Шинээр 20 гаруй шувууны аж ахуй эрхлэгч компани
нэмэгдсэнээр дотоодын
өндөгний хэрэгцээг бүрэн хангах боломж бүрдсэн. Цаашид өндөгний хэрэглээ 650
сая ширхэгт хүрэх тооцоо бий.
Тэгвэл шувууны аж ахуй эрхлэгчид
суурилагдсан хүчин чадлаараа бүрэн хангах боломжтой. Энэ жил шувууны аж ахуй
эрхлэгчид 60 мянган тонн улаан буудай худалдаж авах төлөвлөгөөтэй” гэжээ.
Өндөгний үйлдвэрлэл дотоодод хөгжсөнөөр 100 тэрбум орчим төгрөгийн гадаад валютын
урсгалыг эх орондоо үлдээж, эдийн
засагт өгөөжөө өгч байгааг холбооны төлөөлөгчид онцлоод, ирэх хоёр жилд гурван сая шувуутай
болж, дотоодын өндөгний хэрэгцээг бүрэн
хангахаас гадна малын
тэжээл үйлдвэрлэл, газар тариалангийн
кластер бизнес хөгжүүлэх боломж бүрдэхийг хэлж байлаа.
Монголчууд жилд дунджаар 500 сая ширхэг өндөг хэрэглэдэг бөгөөд 2020 оноос өмнө өндөгний
есөн үйлдвэр ажиллаж, хэрэгцээнийхээ
50-иас дээш хувийг импортоор авдаг байжээ.
