Ulaanbaatar
СЭЛЭНГЭ: Эрдэнэшишийн тариалалтаа нэмэгдүүлжээ
ОРОН НУТГИЙН МЭДЭЭ | СЭЛЭНГЭ
Сүхбаатар, 2025 оны наймдугаар сарын
29 /МОНЦАМЭ/. Сэлэнгэ аймгийн Сант
суманд үйл ажиллагаагаа явуулдаг
"Анар-Орд" ХХК өнгөрсөн жил 250
га талбайд эрдэнэ шиш тариалсан бол энэ
жил талбайгаа 2 дахин нэмэгдүүлж, 557
га-д тариалалт хийжээ.
Тус компани 340 га талбайд дуслын усалгааны систем тавьсан байна. Энэ нь манай улсын хэмжээнд хамгийн том
талбайг хамарсан дуслын усалгааны систем болж буйгаараа онцлогтой юм. Энэхүү дуслын усалгааны системийг нэвтрүүлснээр
га-аас авах ургацын хэмжээ нэмэгдэж,
өтгөн шигүү ургасан гэдгийг тус компанийн захирал хэллээ.
Энэ
жилийн хувьд Сэлэнгэ аймгийн ихэнх сумдад хэт халалтын улмаас гантай байсан ч дуслын усалгааны системээр усалгаагаа
шийдсэн нь ган гачгийн үеийг эрсдэлгүй, ургац алдалгүй даван туулахад тус систем ихээхэн үр дүнгээ
өгчээ.
Тус компанийнхан ирэх жилээс эрдэнэ шишийн ургамлаас гадна цагаан будаа, шар буурцгийн
ургамал тариалахаар зорьж байгаа гэв. Мөн
тус компани эрдэнэшишийн дармал малын тэжээлийг үйлдвэрлэж зах зээлд нийлүүлж эхэлжээ. Энэхүү даршийг малд идүүлснээр сүүний гарц нь нэмэгдэхээс гадна махны чиглэлийн үхрийн хамгийн сайн чанартай тэжээл болж өгдөг байна.
