Ulaanbaatar
Шинэ чансаагаар М.Уранчимэг, Д.Сумъяа нар жиндээ тэргүүлсээр байна
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Олон улсын жүдо бөхийн холбоо /IJF/-ны эмэгтэй жүдочдын ээлжит шинэчлэгдсэн чансааг жин тус бүрээр гаргажээ.
Уг чансаагаар Монгол Улсын Хөдөлмөрийн баатар, олимпийн мөнгөн медальт, дэлхийн аварга Д.Сумъяа, Дэлхийн аварга гавьяат тамирчин М.Уранцэцэг нар жиндээ нэгдүгээрт эрэмбэлэгдсэн хэвээр байна.
Энэхүү шинэ чансааны эрэмбийг жин тус бүрээр гаргасныг танилцуулахад, 48 кг-д 1. М.Уранцэцэг /Монгол/ 5500 оноогоор тэргүүлсэн бол Тонаки Фүна /Япон, 5486/, Ирина Долгова /ОХУ, 5230/ нар хоёр, гуравт эрэмбэлэгджээ. Харин Г.Отгонцэцэг /Казахстан, 3785/ наймд, bанай жүдоч Э.Гэрэлмаа 882 оноогоор 38-д бичигджээ.
Эмэгтэйчүүдийн 52 кг-д 1. Наталья Кузютина /ОХУ, 5660/, 2. Эрика Миранда /Бразил, 5205/, 3. Бушар Амандин /Франц, 4848/ тус тус оржээ. 57 кг-д 1. Д.Сумьяа /Монгол 6911/, 2. Ёшида Цүкаса /Япон 5460/, 3. Дэвис /Nekoda Smythe-Davis/ Их Британи 4254 оноогоор бичигдсэн бол 18-д манай тамирчин Л.Энхрийлэн 1904 оноогоор оржээ. 63 кг-д 1. Кларисс Агбеньен /Франц 6526/, 2. Тина Трстеньяк /Словен 5315/, 3. Таширо Микү /Япон 4650 оноогоор тус тус бичигдсэн бол манай улсаас Б.Мөнгөнчимэг 2647 оноогоор 12-т эрэмбэлэгджээ.
Харин 70 кг-д Мария Портело /Бразил 4736/, Арай Чизүрү /Япон 4650/, Marie-Eve Gahié /Франц 4294/ нар эхний гуравт орж манайхаас 72 дугаарт Ц.Наранжаргал 280 оноогоор бичигджээ. Мөн 78 кг-д Майра Агияр /Бразил 5278/, Гуусье Стеенхуйс /Голланд 4995/, Натали Пауэлл /Их Британи 4990/ нар эхний гуравт эрэмбэлэгдлээ.
Эмэгтэйчүүдийн + 78 кг-д Лариса Церич /Босни 5165/, Сара Асахина /Япон 5150/, Ким /Kim Min-jeong/ /БНСУ 4975/, эхний гуравт бичигдсэн бол манай жүдочдоос 38-д Б.Мөнхтуяа 780 оноогоор эрэмбэлэгдсэн байна.
Д.Өлзий
