Ulaanbaatar
Завханы 2015 оны ”Онцлох хүн”-ээр Д.Дэмбэрэлнямба шалгарчээ
ОРОН НУТГИЙН МЭДЭЭ | ЗАВХАНЗавхан аймаг сар шинийн босгон дээр тухайн ондоо эрхэлсэн ажилдаа өндөр амжилт гаргаж бусдыгаа хошуучилсан тэргүүний хамт олон, салбарын тэргүүнүүдээ тодрууллаа.
Тус аймгийн “Оны онцлох хүн”-ээр Монхими ХХК-ны эрдэм шинжилгээний төвийн захирал Д.Дэмбэрэлнямба шалгарчээ.
Ийнхүү "Төрийн захиргааны тэргүүний ажилтан”-аар аймгийн ЗДТГ-ын НХХ-ийн дарга Мишгийн Гүрсэд, “Эрүүл мэндийн салбарын тэргүүний ажилтан”-аар Нэгдсэн эмнэлгийн дотрын их эмч С.Балдорж, "Боловсролын салбарын тэргүүний ажилтан”-аар Боловсрол, соёлын газрын дарга Д.Одгэрэл, “ХХАА, Байгаль орчны тэргүүний ажилтан”-аар Эрдэнэхайрхан сумын МЭҮТасгийн мэргэжилтэн С.Эрдэнэцэцэг нар тодорчээ.
Харин нийгмийн хамгааллын тэргүүний ажилтан”-аар НХҮХ-ийн дотоод хяналт хариуцсан мэргэжилтэн М.Туяажаргал, “Худалдаа үйлчилгээний албаны тэргүүний ажилтан”-аар Мөнхтогтох Ариун ХХК-ны захирал Д.Мөнх-Амгалан, “Улс төрийн албаны тэргүүний ажилтан”-аар Нөмрөг сумын Нуур багийн Засаг дарга Гончигсүрэнгийн Баттулга, Төрийн тусгай албаны тэргүүний ажилтан”-аар Онцгой байдлын газрын орлогч дарга Б.Ядамжав гэх мэт 14 тэргүүнй ажилтан тодорчээ.
Б.Мягмарсүрэн
