Ulaanbaatar
Гамшгаас хамгаалах команд штабын сургуульд 550 гаруй хүн оролцжээ
ОРОН НУТГИЙН МЭДЭЭ | АРХАНГАЙ
Архангай /МОНЦАМЭ/. Архангай аймгийн Онцгой байдлын
газраас Хайрхан суманд 05 дугаар сарын 08-10-нд Гамшгаас хамгаалах команд
штабын сургуулийг зохион байгуулжээ. Тус
сургуульд сумын онцгой комисс, штаб, мэргэжлийн ангийн нийт 82 хүний
бүрэлдэхүүн, сургууль цэцэрлэгийн 486 хүүхдүүд хамрагдсан байна.
Дадлага сургуулиар сумын онцгой комисс, штаб, мэргэжлийн ангийн бүрэлдэхүүнд 8 цагийн танхимын, 12 цагийн дадлагын сургалт явуулжээ. Штабын бүрэлдэхүүнийг тухайн орон нутгийн онцлог, сүүлийн жилүүдэд тохиолдсон аюулт үзэгдэл, ослын мэдээ судалгаанд үндэслэн малын гоц халдварт шүлхий өвчин, газар хөдлөлтийн цагийн байдалд ажиллуулж дадлага эзэмшүүлсэн байна.
Сумын Ерөнхий боловсролын сургууль, цэцэрлэгийн 486 хүүхэд
багачуудад газар хөдлөлтийн гамшгийн үед аюулгүй талбайд гарах дадлага сургалт
хийж, ахуйн гал түймэр, газар хөдлөлтийн аюулаас урьдчилан сэргийлэх мэдлэг
олгож, ой хээрийн түймэр унтраах
дадлага сургуулийг мэргэжлийн ангийн аврах бүлэг, эмнэлгийн яаралтай тусламжийн
бүлэг, сайн дурынхны оролцоотойгоор зохион байгуулжээ.
Мөн сумын онцгой онцгой комисс, мэргэжлийн ангийн бие бүрэлдэхүүний дунд бие бялдар, сэтгэл зүйн сорил тэмцээн, аймгийн Улаан загалмайн хорооноос тус суманд өгсөн 4,5 сая төгрөгийн өртөг бүхий ой хээрийн түймэр унтраах багаж хэрэгслийг ажиллуулах талаар сумын мэргэжлийн ангийн бие бүрэлдэхүүнд дадлага сургалтыг зохион байгуулсан байна.
