Ulaanbaatar
Модлог ургамал, бут суулгац худалдав
ОРОН НУТГИЙН МЭДЭЭ | ДОРНОГОВЬ
Бүх нийтээр мод тарих өдрөөр Дорноговь аймгийн Сайншанд хотын төв талбайд модлог ургамал, бут суулгацын бяцхан худалдаа боллоо.
Аймгийн ХХААГ-аас өрхийн тариалан эрхлэлтэд зориулж 10 грмм-аар савласан хүнсний ногооны зургаан төрлийн үрийг мөн БОАЖГ-аас өөрийн мод үржүүлгийн газарт тарьсан модноос дээжлэн худалдсан бол Улаанбаатараас “Гачуурт холбоо” ТББ-аас тарьц, суулгац борлуулав.Агч 3000, бургас 2000, нарс 10000, улиас 1500 төгрөгийн үнэтэй байлаа.
Тарьц суулгацаас гадна аймгийн БОАЖГ-аас жимс болон модыг өөрийн гараар тарих аргачлал, зөвлөмж өгч гарын авлагыг хүмүүст тараав.
Х.Эрдэнэбулган
