Ulaanbaatar
Бүртгэлтэй ажил хайгчдын 53 хувь нь бүрэн дунд боловсролтой хүмүүс байна
ОРОН НУТГИЙН МЭДЭЭ | СҮХБААТАРСүхбаатар аймгийн хэмжээнд он гарсаар ажил хайгч иргэдийн тоо 400 гарчээ. Гэхдээ энэ нь өмнөх оны мөн үеэс 59,3 хувиар буурсан үзүүлэлттэй байгаа юм.
Бүртгэлтэй ажил хайгчдын тал хувь нь буюу 206 нь эмэгтэйчүүд байна. Ажилгүй иргэдийг насны ангиллаар авч үзвэл 69,3 хувь нь 15-34 насны залуучууд байгаа юм. Мөн боловсролын түвшингээр авч үзвэл 0,6 хувь нь магистр доктор, 16 хувь нь дээд боловсролтой байгаа бол 0,3 хувь нь боловсролгүй хүмүүс байна. Бүртгэлтэй ажилгүй иргэдийн дийлэнх хувийг буюу 53 хувийг бүрэн дунд боловсролтой хүмүүс эзэлж байна.
Шинэ ажлын байрны тухайд 2016 оны эхний 4 сарын байдлаар 53 бий болжээ. Энэ нь мөн өмнөх оноос 30,3 хувь буюу 23-аар буурсан байна.
Харин он гарсаар хөдөлмөрийн хэлтэст 1177 иргэн шинээр ажилд бүртгүүлсэний 105 иргэн бүр болон түр ажлын байранд зуучлагдан оржээ.
Т. Одончимэг
