Ulaanbaatar
Согтууруулах ундаа хэрэглэсэн үедээ гол руу сэлэхээр ороод осолджээ
ОРОН НУТГИЙН МЭДЭЭ | ХӨВСГӨЛ
Хөвсгөл /МОНЦАМЭ/. Хөвсгөл аймгийн Мөрөн сумын Нисэх багийн Цагаан-Эрэг гэдэг газар 5 хүн зугаалж явснаас 1 хүн Дэлгэрмөрөн голын усанд сэлэхээр ороод живж амиа алджээ.
Тодруулбал энэ сарын 7-ны өдрийн 16.00 цагт тус аймгийн Онцгой байдлын газарт ирсэн дуудлагын дагуу Эрэн хайх, аврах ангийн алба хаагчид 7 км замыг туулан 16 цаг 14 минутад очиж, тус аймгийн Шинэ-Идэр сумын харьяат 32 настай, иргэн Б согтууруулах ундааны зүйл хэрэглэсэн үедээ голын усанд сэлэх гэж ороод живсэн байжээ. Түүний цогцсыг мөн өдрийн 16 цаг 46 минутад Дэлгэрмөрөн голын усны мандал осолдсон газраас 2 км-ийн зайтайгаас олж, аймгийн Цагдаагийн газрын мөрдөгчид хүлээлгэн өгчээ.
