Ulaanbaatar
Их аварга Хакүхо, Озэки Тэрүнофүжи нар 8 даваатай башёг тэргүүлсээр байна
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Японы Нагоя хотын “Долфинс” ордонд болж буй мэргэжлийн сумо бөхийн Нагоя башёгийн 8 дахь өдөр 69 дэх Их аварга /Ёкозүна/ Хакүхо М.Даваажаргал, Котоеко /М-4/-той барилдаж, түүнийг ёрикири мэхээр унагаж, 8 даваатай болов.
Маргааш Их аварга Хакүхо, Чиёотайрюү /М-4/-тэй учраа
таарсан байна. Энэ башёд түрүүлбэл Ёкозүна цол хүртэх болзолтой Озэки
Тэрүнофүжи Г.Ган-Эрдэнэ өнөөдөр Тобизарюү/М-3/-тэй учраа таарч, түүнийг мэхээр давж 8 дахь даваагаа авч гачигоши буюу
50 хувийн амжилтаа хийлээ. Тэрбээр маргааш Окиноүми /М-5/-тэй барилдана.
Ичиножёо /М-2/ А.Ичинноров, энэ өдөр Комүсүби
Вакатакакаге-тай учраа тааран барилдаж, түүнийг хатакикоми мэхээр давснаар 5
даваа, 3 унаатай боллоо.
Энэ өдөр Хошёорюү /М-5/ С.Бямбасүрэн, Аойяама /М-8/-тай
таарч, түүнийг хатакикоми мэхээр
унагаж 5 даваа, 3 унаатай башёг
үргэлжлүүлж явна.
Харин Кирибаяама /М-6/ Б.Лхагвасүрэн, Такарафүжи
/М-8/-тэй учраа тааран барилдаж түүнд ёрикири мэхээр унаж 5 даваа, 3 унаатай
яваа бол, энэ өдөр Чёошома /М-7/ Г.Мөнхсайхан, Окиноүми/М-5/-тэй таарч, түүнд
уватэнаге мэхээр ойчиж 4 даваа, 4 унаатай болов.
Энэ өдөр Тамаваши /М-10/ Б.Мөнх-Оргил, Чиёонокүни
/М-16/-тэй барилдаж, түүнийг ошидаши мэхээр унагаснаар 5 даваа, 2 унаатай
болов.
Озэки Шодай, энэ өдөр Хокүтофүжи /М-3/-тэй барилдаж,
түүнийг сүкүинаге мэхээр давж 4 даваа, 4 унаатай болов.
