Ulaanbaatar
“Эко-Баян сум-Эко-өдөр аян”-ыг өрнүүллээ
ОРОН НУТГИЙН МЭДЭЭ | ТӨВ
Төв/МОНЦАМЭ/ Төв аймаг байгуулагдсаны түүхт 100 жилийн ойг угтан 27 сум бүр 100 мянган мод тарих ажлыг эхлүүлсэн.
Баян сум 100 жилийнхээ ойг угтсан бүтээлч ажлын хүрээнд 100
мянган мод тарих зорилтыг дэвшүүлэн “Эко-Баян сум-Эко-өдөр аян”-ыг өрнүүллээ.
“Бүх
нийтээр мод тарих өдөр”-ийн хүрээнд мод тарихаас гадна арчлах,
тордох, ургуулах, орчноо цэвэрлэх зэргээр иргэдийнхээ эрүүл, Эко орчинд амьдрах
нөхцөл бололцоог хангасан бүхий л талын ажлуудыг бүх нийтийг хамарсан ажил,
арга хэмжээ болгон зохион байгуулахаар төлөвлөөд байна.
Сумын Засаг дарга М.Мөнх-Эрдэнэ: “Цаашид сумандаа ойн сан байгуулж, мод тарьж, ургуулах мэргэжлийн боловсон хүчин бэлтгэх, нэгдсэн удирдлага, зохион байгуулалтаар хангах шаардлагатай гэж үзэн бодлогоор дэмжин ажиллах болно” гэдгээ илэрхийлсэн юм.
