Ulaanbaatar
“Эхийн алдар” одон хүртсэн эхчүүдээс хамгийн залуу нь 26 настай
ОРОН НУТГИЙН МЭДЭЭ | ДАРХАН-УУЛ
Дархан-Уул /МОНЦАМЭ/. “Олон улсын Хүүхдийн эрхийг хамгаалах
өдөр”-ийг угтан Монгол Улсын Ерөнхийлөгчийн зарлигаар дөрөв болон
түүнээс дээш хүүхэд
төрүүлж, өсгөн хүмүүжүүлсэн эхчүүдэд “Эхийн алдар” одон гардууллаа. Хуульд зургаан хүүхэд төрүүлж өсгөсөн
эхийг I зэргийн одонгоор, дөрвөн хүүхэд төрүүлж өсгөсөн эхийг II зэргийн
одонгоор шагнана гэж заасан.
Энэ жил “Алдарт эх”-ийн одонгоор
Дархан-Уул аймгийн хэмжээнд нийт 301 эх, үүнээс I зэргийн одонгоор 16 эх, II
зэргийн одонгоор 285 эхийг шагнууллаа. Одон гардуулах үйл ажиллагааг гурван хэсэг болгон зохион байгуулав. “Алдарт эх” I, II зэргийн одонг
аймгийн ИТХ-ын дарга С.Насанбат, Засаг дарга Б.Азжаргал Дархан сумын
ИТХ-ын дарга Я.Бат-Очир, Дархан сумын засаг дарга Т.Тулгаа нар гардуулан өглөө.
Одонтой эхчүүдийн хамгийн залуу нь 26
настай бол хамгийн ахмад нь 41 настай байна.
Шагнал
гардуулах үеэр аймгийн
ИТХ-ын дарга С.Насанбат Монгол Улсын Ерөнхийлөгчийн мэндчилгээг уламжлан
Монголынхоо бүх сайхан эхчүүдэд удахгүй болох Олон улсын хүүхдийн эрхийг
хамгаалах өдрийн баярын мэндчилгээг өргөн дэвшүүллээ.
